Б.БИЛЭГСАЙХАН
АНУ-ын Ерөнхийлөгч Дональд Трамп Ираны эдийн засгийн нөхцөл байдал муудаж, инфляц өндөр, санхүүгийн боломж нь хязгаарлагдмал байгааг мэдэгджээ.
Тэрбээр Axios-т өгсөн ярилцлагадаа АНУ Ирантай холбоотой асуудлаар “чимээ шуугиангүйгээр” ажиллаж байгаа гэж хэлсэн байна. АНУ-ын албаныхны мэдээлснээр, Трамп долоо хоногийн өмнө Ираны эсрэг өргөн хүрээний цэргийн ажиллагааг сэргээх хандлагатай байсан ч зөвлөхүүд нь түүнийг одоогоор хурцадмал байдлыг намжаах чиглэлд ажиллахыг ятгажээ.
Трамп Ираныг эдийн засгийн хувьд “маш муу” нөхцөлд байгаа гэж тодорхойлоод, үүнд АНУ-ын зүгээс Ираныг далайгаар бүслэсэн явдал нөлөөлсөн гэж үзэж байгаагаа илэрхийлсэн байна. Гэсэн ч тэрбээр Тегерантай тохиролцоонд хүрнэ гэдэгтээ итгэлтэй байгаагаа хэлжээ.
|
Гадаад
