Б.БИЛЭГСАЙХАН
Өмнөд Солонгост 75 настай эмэгтэй нэг өдөрт 11 шүдний суулгац хийлгэснийхээ дараа нас барсан хэрэг гарчээ. Одоогоор цагдаагийн байгууллага уг хэргийг шалгаж байна.
Шүүх эмнэлгийн шинжээчдийн урьдчилсан дүгнэлтээр, эмэгтэйд орон нутгийн мэдээ алдуулагчийг зөвшөөрөгдөх хэмжээнээс хэтрүүлэн хэрэглэсэн нь нас баралтын шалтгаан байж болзошгүй аж.
Эмнэлгийн бүртгэлд дурдсанаар, 54 кг жинтэй эмэгтэйд эмчилгээний үеэр нийт 1088 мг мэдээ алдуулагч тарьсан байна. Харин түүний жинд тохирох дээд хэмжээ ойролцоогоор 378 мг байх ёстой байсан бөгөөд зөвшөөрөгдөх хэмжээнээс бараг гурав дахин их тун хэрэглэсэн байна.
Тус эмнэлэг 11 суулгацыг нэг дор, зах зээлийн ердийн үнээс хямд төлбөрөөр хийхээр тохиролцсон байжээ. Өмнө нь Өмнөд Солонгосын Шүдний эмч нарын холбооноос хэт хямд үнээр үйлчилгээ санал болгодог эмнэлгүүдийн эрсдэлийн талаар иргэдэд анхааруулж байсан аж.
Одоо эрх баригчид мэдээ алдуулагчийн тун эмнэлгийн шаардлагад нийцэж байсан эсэхээс гадна өвчтөний биеийн байдал муудсан үед эмнэлгийн ажилтнууд шаардлагатай арга хэмжээг цаг тухайд нь авсан эсэхийг шалгаж байна.
|
Гадаад
