Б.БИЛЭГСАЙХАН
АНУ-ын Иллинойс мужийн иргэн “Powerball” сугалааны 1.04 тэрбум ам.долларын супер шагналыг хожжээ.
Сугалааны зохион байгуулагчдын мэдээлснээр, тус мужид зарагдсан тасалбар мягмар гарагийн тохирлоор гарсан зургаан тоотой бүгд таарсан байна. Энэ нь “Powerball”-ын түүхэн дэх хэмжээгээрээ найм дахь том хожил бөгөөд энэ оны хамгийн өндөр шагнал болжээ.
Ялагч шагналаа хоёр хэлбэрээр авах боломжтой. Тэрбээр татварын өмнөх 450.5 сая ам.долларын нэг удаагийн төлбөр авах эсвэл 29 жилийн хугацаанд жил бүр олгох аннуитетийн хувилбарыг сонгож болно.
“Powerball”-ын түүхэн дэх хамгийн өндөр шагнал 2022 онд бүртгэгдэж, Калифорнийн иргэн Эдвин Кастро 2.04 тэрбум ам.доллар хожиж байжээ. Гэвч татвар төлсний дараа түүний гар дээр үлдсэн мөнгө нэг тэрбум ам.долларт хүрээгүй байна.
|
Гадаад
