Б.БИЛЭГСАЙХАН
Facebook, Instagram-ыг эзэмшигч Meta компани хүүхэд, өсвөр үеийнхэнд нийгмийн сүлжээний үзүүлэх нөлөөлөлтэй холбоотой АНУ-ын мужуудын нэхэмжлэлийг шийдвэрлэхийн тулд 16.68 тэрбум ам.доллар хүртэл төлөхөөр тохиролцжээ. Уг тохиролцоог шүүх эцэслэн батлах шаардлагатай байна.
АНУ-ын мужууд Meta-г Facebook, Instagram-ыг хүүхэд, өсвөр үеийнхэн удаан хугацаагаар ашиглахад татах байдлаар зохион бүтээсэн, платформын аюулгүй байдлын талаар төөрөгдүүлсэн, мөн 13-аас доош насны хүүхдүүдийн мэдээллийг зохих зөвшөөрөлгүй цуглуулсан хэмээн буруутгажээ.
Тохиролцооны хүрээнд Meta өсвөр насныхны өдөр тутмын хэрэглээнд хугацааны хязгаар тогтоох, шөнийн цагаар ашиглалтыг хязгаарлах, сургуулийн цагаар мэдэгдэл илгээхгүй байх зэрэг хамгаалалтын шинэ арга хэмжээ хэрэгжүүлэхээр болсон байна. Мөн нас баталгаажуулах систем, эцэг эхийн хяналтын хэрэгслүүдийг сайжруулах үүрэг хүлээжээ.
Энэ нь АНУ-д хүүхдийн цахим аюулгүй байдалтай холбоотой Meta-д тавьсан хамгийн томоохон санхүүгийн тохиролцоонуудын нэг болж байна.
|
Гадаад
