ТАТАР МАЙДАР
Фото зургийг | Kent Nishimura / AFP via Getty Images
АНУ-ын Ерөнхийлөгч Дональд Трамп Киев болон Москвад болсон энхийн хэлэлцээний сүүлийн шатны уулзалтын талаарх тайланг өөрийн төлөөлөгчдөөс сонссоныхоо дараа ОХУ-ын ерөнхийлөгч Владимир Путинтэй утсаар ярихаар төлөвлөж байна гэж АНУ-ын албаны эх сурвалж The Kyiv Independent агентлагт мэдээлжээ.
Трамп өөрийн тусгай элч нарт томилогдсон Стив Виткофф, Жаред Кушнер нартай зөвлөлдсөнийхөө дараа эхлээд Путин руу залгаж, дараа нь Украины Ерөнхийлөгч Владимир Зеленскийтэй ярилцах аж. Эдгээр утасны яриа өнөөдөр буюу 9 дүгээр сарын 7-ны өдөр буюу өнөөдөр болох магадлалтай байна.
Тусгай элч Виткофф, Кушнер нар 9 дүгээр сарын 5-ны өдөр Москвад Путинтэй уулзаж хэлэлцээ хийсэн бөгөөд үүний дараагийн өдөр буюу 9 дүгээр сарын 6-нд Киевт анх удаа хүрэлцэн ирж, Зеленский болон түүний багийнхантай уулзсан юм. Энэхүү дипломат хүчин чармайлт нь Орос, Украины дайныг эцэс болгох хэлэлцээрийг урагшлуулах зорилготой аж.
Цагаан ордны мэдээлснээр, Москвад болсон уулзалтаар "дараагийн алхмуудын тухай тодорхой төлөвлөгөөнүүд"-ийг хэлэлцсэн боловч талуудын аль нь ч дорвитой ахиц дэвшил гарсан талаар мэдэгдсэнгүй. Хэлэлцээний дараа болсон хэвлэлийн бага хурал дээр Зеленский сүүлийн үеийн энэхүү энхийн зуучлал нь дайныг ойрын хугацаанд зогсооход хүргэж чадахгүй гэдгийг дурдсан бол Кушнер сэтгүүлчдэд хэлэхдээ АНУ-ын зүгээс Орос, Украиныг оролцуулсан гурван талт хэлэлцээг дахин эхлүүлэхийг найдаж байна гэжээ.
АНУ Ираны эсрэг дайтаж байгаагаас шалтгаалан сүүлийн саруудад дипломат харилцаа зогсонги байдалд ороод байсан бөгөөд өмнөх хэлэлцээрүүд газар нутаг, аюулгүй байдлын баталгаа, гал зогсоох нөхцөлүүд дээр төвлөрч байсан ч төдийлөн амжилтад хүрээгүй байсан юм.
Трамп өмнө нь ч мөн АНУ-ын элч нар Оросын удирдагчтай уулзсаны дараа Путинтэй шууд утсаар ярьдаг байсан бөгөөд 2025 оны 12 дугаар сард Мар-а-Лаго хотод Зеленскийтэй биечлэн уулзахын өмнө болон дараа нь Путинтэй холбогдож байсан түүхтэй.
АНУ-ын Ерөнхийлөгч Дональд Трампын элч төлөөлөгчид Стив Виткофф, Жаред Кушнер нар 2026 оны 9-р сарын 6-нд Украины Киев хотод Украин болон Европын албаныхантай хийсэн хэлэлцээний үеэр. (Тим Задорожный/The Kyiv Independent)
АНУ-ын Ерөнхийлөгч Дональд Трампын тусгай элч Стив Виткофф, Жаред Кушнер нарын Киевт хийсэн айлчлал, уулзалтын үр дүн болон Ерөнхийлөгч Владимир Зеленскийн хэвлэлийн хурал дээр өгсөн мэдээллийн дэлгэрэнгүйг доор тоймлон хүргэж байна.
|
)
Гадаад
