Б.БИЛЭГСАЙХАН
АНУ-ын Вашингтон муж дахь Рейнир галт уулын орчимд Непал улсад саяхан болсон гамшигтай төстэй хүчтэй шавар, чулуулгийн урсгал буюу лахар үүсэх эрсдэл байгааг АНУ-ын Геологийн алба анхааруулжээ.
Лахар нь Каскадын нуруунд тохиолдож болох хамгийн аюултай галт уулын үзэгдлүүдийн нэг юм. Рейнир галт уулын лахарын эрсдэлтэй бүсэд 90 мянга гаруй хүн амьдардаг бөгөөд томоохон урсгал үүсвэл үр дагавар нь сая сая хүнд нөлөөлж болзошгүй байна.
Сүүлийн 6000 жилийн хугацаанд Рейнир галт уулаас дор хаяж 11 удаа томоохон лахар үүсч байжээ.
Лахар гэдэг нь галт уулын үнс, чулуулаг, хурдас усанд холилдон уулын бэлээр маш өндөр хурдтай урсах үзэгдэл юм. Ийм урсгал нь галт уул дэлбэрээгүй үед ч мөс, цас огцом хайлах, хөрсний нуралт зэрэг шалтгаанаар үүсэх боломжтой.
|
Гадаад
