Б.БИЛЭГСАЙХАН
Хүн болон роботын хооронд зохион байгуулсан тулаан есдүгээр сарын 18-нд АНУ-ын Сан-Франциско хотод болжээ. Тэмцээнийг зохион байгуулагч REK (“Robot Entertainment Kombat”) болон оролцогч Фрэнки Лапенна энэ талаар мэдээлсэн байна.
Рингэнд блогер Фрэнки Лапенна 183 см өндөртэй, “Terminator” киноны дүртэй төстэй EngineAI T800 хүн дүрст роботтой тулалджээ. Робот бие даан ажиллаагүй бөгөөд виртуал бодит байдлын төхөөрөмжөөр дамжуулан оператор удирдсан байна.
Лапенна хүнд гэмтлээс хамгаалах тусгай өмсгөл өмссөн ч робот руу цохилт хийх үеэр гараа хугалсан гэж мэдэгджээ.
Сүүлийн үед хүн дүрст роботууд спортын төрөлд идэвхтэй туршигдах болсон. Тухайлбал, Бээжинд болсон гүйлтийн тэмцээнд роботууд мэргэжлийн тамирчидтай өрсөлдөж, мөн нэгэн хятад робот 100 метрийн зайг 9.32 секундэд туулсан гэж эх сурвалж мэдээлсэн байна.
|
Гадаад
