Б.БИЛЭГСАЙХАН
“Сан Антонио Спөрс”-ийн домогт дасгалжуулагч Грегг Попович олон жил өөрийнх нь туслахаар ажилласан Майк Буденхолзерын экс эхнэр Мэри Барттай гэрлэжээ.
77 настай Попович болон Мэри нар есдүгээр сарын 16-нд Техас мужид гэрлэсэн бөгөөд энэ нь Бексар тойргийн гэрлэлтийн бүртгэлээр баталгаажсан байна. Майк Буденхолзер болон Мэри нар 2016 онд салсан гэж мэдээлжээ.
Буденхолзер “Спөрс”-т Поповичийн туслахаар олон жил ажиллаж, багийн аваргын улирлуудад дасгалжуулагчдын багийн нэг хэсэг байсан юм. Тэрбээр 2013 онд “Атланта Хоукс”-ын ахлах дасгалжуулагч болохоор Сан Антониогоос явжээ.
Попович 2025 онд 29 улирлын дараа дасгалжуулагчийн карьераа өндөрлүүлсэн. Түүний албан ёсны карьерын амжилт 1390 хожил, 824 хожигдол болж бүртгэгдсэн бөгөөд NBA-ийн түүхэн дэх хамгийн олон хожилтой дасгалжуулагч хэвээр үлдсэн байна.
|
Гадаад
