CNN агентлагийн 2026 оны 10 дугаар сарын 15-ны өдрийн мэдээллээр, АНУ-ын Ерөнхийлөгч Дональд Трамп ирэх сарын 3-нд (2026 оны 11 дүгээр сарын 3) болох явцын сонгуулийн үеэр байлдааны ажиллагааг сэргээх тушаал өгвөл Ираны эрчим хүчний дэд бүтэц, цөмийн байгууламжуудын эсрэг "Бүх бөмбөгийн ээж" (Mother of All Bombs) гэгддэг GBU-43/B Massive Ordnance Air Blast (MOAB) хэмээх цөмийн бус хамгийн хүчтэй бөмбөгийг ашиглах цохилтын төлөвлөгөөг АНУ-ын арми боловсруулсан байна.

АНУ-ын цэргийн дотоод төлөвлөлтийн хэлэлцүүлгийн талаар мэдээлэл бүхий эх сурвалжуудын дурдсан гол зүйлсийг нэгтгэн хүргэж байна:

"Ялалтаа зарлаад, цэргээ татах" стратеги

• Эрчим хүч болон цөмийн байгууламжуудыг онилох: АНУ болон Израилийн тал Ираны цөмийн хөтөлбөрийн эд ангиуд байрладаг гэж үзэж буй "Pickaxe Mountain" хэмээх цөмийн байгууламжид цохилт өгөх цэргийн төлөвлөгөөнд MOAB бөмбөгийг ашиглахаар тусгажээ. Ерөнхийлөгч Трамп сүүлийн саруудад уг байршил руу довтлох болно гэдгээ удаа дараа анхааруулж байсан юм.

• Цэрэг татахаас өмнөх цохилт: АНУ-ын цэргүүдийг Төв командлалын хариуцах бүсээс (CENTCOM AOR) эргүүлэн татахаас өмнө эдгээр нэмэлт цохилтуудыг өгөхөөр төлөвлөсөн байна. Энэ нь Трампын засаг захиргаа Иранд томоохон цохилт өгсний дараа "ялалтаа зарлаж", цэргүүдээ яаралтай эргүүлэн татах боломжийг бүрдүүлэх аж.

Дайны нөхцөл байдал ба дотоод зөрчил

• Зургаан сар үргэлжилсэн мөргөлдөөн: Ирантай хийж буй дайн зургаан сарууд гаруй хугацаанд үргэлжилж байгаа бөгөөд Трамп Ираны дайныг зогсоохыг шаардсан олон нийтийн шахалттай тулгарч байна.

• Ялалтын үнэлгээ: АНУ-ын засаг захиргааны зарим албан тушаалтнууд дайнд бараг ялсан гэж үзэж байгаа ч Трамп болгоомжтой байр суурь баримталж, Иранд шийдэгдээгүй даалгаврууд үлдсэн хэвээр байгааг мэдэгджээ.

• Холбоотнуудын шахалт ба Трампын байр суурь: Хөшигний ард зарим холбоотнууд АНУ-ыг цэргээ татаж, Ираны хэргээс холдохыг уриалж байгаа ч Трамп үүнд эргэлзэж, ингэх нь АНУ-ыг "ялагдсан" мэт харагдуулж магадгүй гэж үзэж байна.

• Үр ашигтай байдлын эргэлзээ: Батлан хамгаалах салбарын зарим шүүмжлэгчид энэхүү зэвсгийг ашиглах нь Трампын тодорхойлсон стратегийн зорилтод хүрч, дайны урсгалыг эргүүлж чадах эсэхэд эргэлзэж буйгаа илэрхийлжээ.