Энэ нь Ираны зүгээс АНУ-ын өндөр албан тушаалтануудыг устгах заналхийлэлтэй холбоотой юм.

АНУ-ын Үндэсний тагнуулын газрын дарга Иран улс гадаадад байгаа Америкийн албан тушаалтнуудын эсрэг халдлага үйлдэхээр төлөвлөлтийнхөө "ахисан шатанд" явж байгааг анхаарууллаа. Үүний улмаас дипломат ажилтнуудыг нүүлгэн шилжүүлж эхэлсэн бөгөөд талууд бүрэн хэмжээний дайнд орох эрсдэлийг улам нэмэгдүүлж байна. 

АНУ-ын Ерөнхийлөгч Дональд Трамп ням гарагт энэ асуудлыг "эцэслэн шийдвэрлэхийн тулд" цэргийн ажиллагаа явуулах хувилбарыг хэлэлцэж байгаагаа мэдэгдсэн бол Тегераны зүгээс Америкийн цохилтууд тэдний байр суурийг өөрчлөхгүй гэж анхааруулав. 

АНУ болон Израилийн сонгууль ойртож байгаа энэ үед дотоод улс төрийн шахалт, нөлөөлөл нь цэргийн төлөвлөлтөд гол хүчин зүйл болж байна.

Хэрэв ирэх мягмар гарагт болох сонгуулиар ялагдал хүлээвэл Ерөнхий сайд Беньямин Нетаньяху "өөрийн залгамжлагчийн хийж зүрхлэхгүй гэж үзсэн сүүлчийн нэг цохилтыг өгөх шийдвэр гаргаж магадгүй" юм. Нөгөө талаас Трамп "Ерөнхий командлагчийн хувьд түүний эрх мэдэл, хүч чадал хэвээрээ байгааг" харуулахыг хүсэж байж магадгүй хэмээн The New York Times сонин бичжээ.