Б.БИЛЭГСАЙХАН
АНУ-ын Ерөнхийлөгч Дональд Трамп ОХУ-ын Ерөнхийлөгч Владимир Путин болон Украины Ерөнхийлөгч Владимир Зеленский нартай ойрын хугацаанд уулзалт зохион байгуулна гэж найдаж байгаагаа илэрхийлжээ.
Тэрбээр Техас мужаас буцаж ирэхдээ Вашингтоны ойролцоох Эндрюс цэргийн баазад сэтгүүлчидтэй ярилцах үеэрээ Орос, Украины асуудлаар томоохон ахиц гарч байгааг мэдэгдсэн байна.
Трамп “Бид Орос, Украины асуудлаар томоохон ахиц гаргаж байна гэж бодож байна. Удахгүй уулзалт зохион байгуулагдана. Миний бодлоор ахиц дэвшил их байна” гэжээ.
Уулзалтад хэн оролцохыг тодруулахад тэрбээр “Ерөнхийлөгч Путин болон Ерөнхийлөгч Зеленскийтэй” хэмээн хариулсан байна.
|
Гадаад
