Италийн тансаг зэрэглэлийн автомашин үйлдвэрлэгч Lamborghini компани 2030 он гэхэд бүрэн цахилгаан автомашин үйлдвэрлэх төлөвлөгөөгөө цуцалжээ. Энэ талаар тус компанийн маркетинг, борлуулалт хариуцсан захирал Федерико Фошини мэдээлэв.
Тус компанийн зүгээс цахилгаан автомашины зах зээлд өрсөлдөгчдөөсөө ялгарахуйц онцлог технологи хараахан бий болгож чадаагүй нь энэхүү шийдвэрийн гол шалтгаан болсон гэж тайлбарлажээ.
Федерико Фошини энэ талаар “Бидний хувьд автомашинаас төрөх сэтгэл хөдлөл хамгийн чухал гэдэгт хүрсэн. Харин өрсөлдөгчдөөсөө ялгарах боломж олгох технологи бидэнд одоогоор алга” хэмээн ярьсан байна.
Тэрбээр мөн ирэх дөрвөн жилд танилцуулах шинэ загварууд нь бүрэн цахилгаан бус, харин цахилгаан эрчим хүчээр цэнэглэж, батарейгаар ажиллуулах боломжтой залгуурт холбогддог хосолмол хөдөлгүүртэй (PHEV) автомашинууд байна гэж мэдэгджээ.







Гадаад

