И.АМАРБАЯСГАЛАН
Ойрх Дорнодод хурцадмал байдал дахин үүсэж байгаа тул АНУ-ын Агаарын цэргийн хүчний үл үзэгдэх бөмбөгдөгч B-2 загварын зургаан онгоцыг Пентагон Энэтхэгийн далай дахь Диего Гарсиа арал руу илгээсэн нь Иран болон түүний холбоотнуудад өгч буй мессеж хэмээн шинжээчид үзэж байна. Өнөөдөр Planet Labs компанийн авсан хиймэл дагуулын зургуудаас харахад тус арал дээрх засмал зам дээр АНУ-ын зургаан бөмбөгдөгч онгоц, мөн хоргодох байрууд байжээ. Пентагоны хэвлэлийн төлөөлөгч Шон Парнелл АНУ-ын арми тус бүс нутагт "холбоотнуудынхаа аюулгүй байдлыг ханган хамгаалах бөгөөд бүс нутаг дахь мөргөлдөөнийг өргөжүүлэх, хурцатгах гэсэн аливаа оролдлогод хариу өгөхөд бэлэн" гэж хэлжээ. Иран АНУ-тай хэлэлцээ хийж эхлэхгүй бол үр дагавар нь "Ираны цөмийн зэвсгийг устгахад хүргэж болзошгүйг" онцолсон байна. Ерөнхийлөгч Трамп 3-р сарын дунд үеэс хуситуудын эсрэг цэргийн ажиллагаагаа эрчимжүүлж эхэлсэн бөгөөд Йеменд дор хаяж 53 хүн амиа алдаж, 100 орчим хүн шархаджээ.
|
Эх сурвалж
| CNN
|
Гадаад
