И.АМАРБАЯСГАЛАН
ОХУ-ын Онцгой байдлын яамны агаарын тээврийн бүлэг Мьянмар улсад хэрэгжүүлсэн олон улсын аврах ажиллагаагаа амжилттай дуусгалаа
Оросын Холбооны Улсын Онцгой байдлын яамны агаарын тээврийн тусгай бүлэг Бүгд Найрамдах Мьянмар Улсад хэрэгжүүлсэн олон улсын аврах ажиллагаагаа амжилттайгаар дуусгалаа. Аврагчид болон эмнэлгийн ажилтнуудаас бүрдсэн, нийт 50 хүний бүрэлдэхүүнтэй тус баг нь гамшгийн бүсэд байрлан ажиллах хугацаандаа 130,000 м² талбай бүхий нурангид дарагдсан болон гамшигт нэрвэгдсэн бүс нутгийн 508 иргэнд яаралтай тусламж үзүүлжээ. Тэдний дотор 94 хүүхэд байжээ.
Мөн аврах ажиллагааны хүрээнд нийт 157.5 тонн хоол хүнс бүхий хүмүүнлэгийн тусламжийг гамшигт өртсөн бүс нутгуудад амжилттай хүргүүлсэн байна. Тус ажиллагаа нь олон улсын хүмүүнлэгийн хамтын ажиллагааны хүрээнд хэрэгжсэн чухал үйл явдал болсныг Оросын Холбооны Улсын Онцгой байдлын яамны агаарын тээврийн тусгай бүлэг онцоллоо.
|
Эх сурвалж
| TASS
|
Гадаад
