И.АМАРБАЯСГАЛАН
Comex биржийн лхагва гарагийн арилжаагаар алтны фьючерсийн үнэ урьд өмнө байгаагүй өндөр түвшинд хүрч, нэг унц нь 3,350 ам.долларын босгыг давлаа.
Москвагийн цагаар 21:22 цагийн байдлаар (GMT 18:22) алтны үнэ 1.7%-иар өсөж, нэг унц нь 3,353.7 ам.долларт хүрсэн бол 21:37 гэхэд өсөлт нь 1.72%-д хүрч, нэг унц алт 3,354.4 ам.доллараар арилжаалагдсан байна.
Үүний зэрэгцээ Лондонгийн ICE биржид Brent маркийн газрын тосны фьючерсийн үнэ 1.63%-иар өсч, нэг баррель нь 65.91 ам.доллар болсон бол зургадугаар сард нийлүүлэх WTI маркийн газрын тосны үнэ 2.37%-иар нэмэгдэж, нэг баррель нь 62.56 ам.долларт хүрчээ.
|
Эх сурвалж
| TASS
|
Гадаад
