Нийгэм | 2025-05-04

ЗҮРХ УУЛЫН ЭНГЭРТ ГАЛ ГАРЧЭЭ

СЭТГҮҮЛЧ |

Б.АМАРТҮВШИН

Нийслэлийн Чингэлтэй дүүргийн 22 дугаар хороо, Зүрх уулын энгэрт гал гарч байна гэсэн дуудлага 10:49 цагт ОБЕГ-т иржээ.

Дуудлагын дагуу Гал түймэр унтраах, аврах 34, 29, 74, 10 дугаар ангийн алба хаагчид ажиллаж, 12:02 цагт цурманд оруулж, бүрэн унтраахаар ажиллаж байна. Мөн Улаанбаатар хотод салхи зүүн өмнөөс 5-9 м/с, зарим үед 11-15 м/с хүрч хүчтэй салхилж байна. Хүчтэй салхи шуургатай, хуурайшилт нэн их байгаа тул гал түймрийн аюулаас сэрэмжтэй байхыг ОБЕГ-аас анхааруулж байгаа юм.