АДМИН
Дэлхийн мэргэжлийн боксын холбооны чансааны 16 дугаарт эрэмбэтэй гавьяат тамирчин Э.Цэндбаатарын ээлжит тулааны тов гарчээ. Тодруулбал, тэрбээр ирэх долоодугаар сарын 12-нд АНУ-ын Лос-Анжелес хотод 13 дахь тулаанаа хийхээр болсон байна. Өөрөөр хэлбэл, Үндэсний их баяр наадмын өдөр тэр рингэнд гарна. Түүний өрсөлдөгч тодроогүй байгаа бөгөөд ирэх сард албан ёсоор зарлах аж.
Э.Цэндбаатар WBA холбооны төв Азийн аваргын бүсийн төлөөх мэргэжлийн боксын 12 дахь тулаанаа Мексикийн тамирчин Педро Родригестэй хийж, хүнд цохилтоор буулган авсан. Энэ тоглолт Улаанбаатарт хоёр сарын өмнө болсон юм. Ингэхдээ тэр “Lightweight” буюу 59-61.2 кг жин өгсөж тулалдсан байдаг.
|
Нийгэм
