“Дугуйтай Улаанбаатар 2025” өдөрлөг энэ бямба гарагт буюу 5 дугаар сарын 10-ны өдөр зохион байгуулагдана. Үүнтэй холбогдуулан 06:00-13:00 цагийн хооронд дугуйн парад болох тул авто замын хөдөлгөөнийг хэсэгчлэн хязгаарлах бөгөөд нийтийн тээврийн 42 чиглэлд түр хугацаанд өөрчлөлт орж байна.

Нийтийн тээврийн чиглэлүүд дараах байдлаар өөрчлөгдөнө:

• Их тойруугаар явах чиглэлүүд:

  • Баянбүрд

  • Үндэсний шуудан

  • Сансарын ШТС зогсоолоор дамжин үйлчилнэ.

• Хойноос урагш явах босоо чиглэлүүд:

  • Ногоон нуур

  • 120 мянгат

  • Төв цэнгэлдэх хүрээлэн зогсоолоор дамжин явна.

• Баруун 4 замыг дайран өнгөрөх чиглэлүүд:

  • МҮЭСТО

  • Элба төв

  • Бөмбөгөр худалдааны төв

  • Нарны титмийн зогсоолоор чиглэлээ үргэлжлүүлнэ.

• Зүүн 4 замыг дайран өнгөрөх чиглэлүүд:

  • Сансарын үйлчилгээний төв

  • Хавдар судлалын үндэсний төвөөр үйлчилнэ.

Мөн Их тойруу доторх гудамж, замууд хаагдах тул автобусууд:

• Хойгуур Их тойруугийн гудамж,

• Урдуур Нарны зам, Намъяанжугийн гудамж
  дагуу чиглэлээ өөрчилнө.

Түүнчлэн хойноос урагш болон урдаас хойш чиглэлтэй:

• Баруун 4 зам

• Нарны гүүр

• Зүүн 4 зам
  дагуу хөдөлгөөнд оролцоно.

18:00 цагаас хойш бүх чиглэлүүд үндсэн замналаараа хэвийн үйлчилж эхэлнэ гэж холбогдох албанаас мэдээллээ.