АДМИН
Сонгогч гуя авах гэсэн биш заавал хүзүү дагадаг, бүр олныг авахад хүрдэг УИХ-ын сонгуулийн тухай хууль Үндсэн хууль зөрчсөн гэж Цэц үзлээ. Жишээ нь 10 мандаттай тойргийн иргэн 3-г хүссэн ахиад 7-г дугуйлж байж санал нь хүчинтэйд тооцогдох нь сонголт уу, тулгалт уу? Таалагдсан гурваа сонгохын тулд нэмээд 7-г заавал дугуйлах нь тулгалт уу, сонголт уу? Дэлгүүрт ороод 3 бараа авъя гэсэн хүчээр 7-г нэмж төлөх нь сонгох эрхэнд халдаж байна уу? Хоёр кино үзэхийн тулд хүсээгүй 5-ыг үзэх нь чөлөөт сонголт уу, чөдөрлөгдсөн тулгалт уу? Цахим худалдааны “Тэмү”-гийн урамшуулал бэлэг шиг таалагддаг бол өөр хэрэг. Чандар буяны шинэ компани нээлтийн урамшуулалд 1-ийг авчирвал 2-ыг үнэгүй хөдөөлүүлж өгнө гэдэгтэй зарим талаар төстэй.
УИХ-ын гишүүний тоо толгой 126 болж өсөж үржсэн ч таалагддаг үнэлэгддэг нь цөөхөн, таньдаг мэддэг нь бага, танхим нь хоосон байгаа нь гуянаасаа хүзүү нь ихэдсэнтэй холбоотой. УИХ Цэцийн дүгнэлтийг хүлээж авахгүй бол Их суудлын хуралдаанаар эцэслэн шийднэ.
|
Нийгэм
