АДМИН
Өмнөд Солонгосын эмч нар коронавирусний халдвар авсны дараа өвчнийг хүндрүүлдэг хүчин зүйлсийг олж тогтоожээ. Өмнөд Солонгосын Юнгнам их сургуулийн эмнэлгийн төвийн эмч нар коронавирусийн халдварын эхэн үед өвчнийг хүндрүүлдэг хүчин зүйлсийг судалж тогтоосон байна.
Судалгаагаар ажиглалтаар чихрийн шижин, хүчилтөрөгчийн дутагдал, биеийн өндөр температур, зүрх судасны эмгэг зэрэг нь “COVID-19” өвчнийг хүндрүүлж байгааг тогтоожээ.
Судалгааг Өмнөд Солонгосын халдварын голомт Тэгү хотноо хоёрдугаар сарын 19-өөс дөрөвдүгээр сарын 15-ны хооронд 110 хүний ажиглалтад тулгуурлан гаргасан аж. Ажиглалтад хамрагдсан халдвартай хүмүүсийн 23 –ийнх нь биеийн байдал хүндэрчээ.
Хүндэрсэн өвчтнүүдийн олонх нь өндөр настай хүмүүс байсан учраас хүчилтөрөгчийн дутагдалд орох нь амархан байв.
Өмнөд Солонгост өнөөдөр 45 шинэ тохиолдол бүртгэгдсэнээр нийт 11947 хүн халдвар авч, 276 хүн нас баржээ.
|
Нийгэм
