АДМИН
Дархан-Уул аймгаас Улаанбаатар хот болон бусад аймаг, хот руу явах иргэдийн бүртгэлийг 12 сарын 12-15-ны өдрүүдэд бүртгэсэн. Нийт 927 иргэн бүртгүүлснээс 12 сарын 20-21-ний өдрүүдэд зайлшгүй шаардлагаар буцах иргэдийг явуулсан. Үлдсэн 327 иргэнийг 1 сарын 3-нд PCR шинжилгээнд хамруулсны дүнд өнөөдөр Дарханаас гаргах ажлыг зохион байгуулж байна. Эдгээр иргэдээс 176 иргэн Улаанбаатар хотруу зорчих бол үлдсэн иргэд нь Эрдэнэт, Булган, Сэлэнгэ, Ховд, Баян-Өлгий аймгууд руу буцлаа. Улаанбаатар хот руу 3, Эрдэнэт-Булганы чиглэлд 1, Сэлэнгийн Сүхбаатар, Алтанбулагийн чиглэлд 1 нийтийн тээврийн хэрэгсэл зорчихоор зорчигчдоо бүртгэж байна.
Дарханд хөдөлгөөний хязгаарлалтад орсон 4000 гаруй иргэнийг 2020 оны 11 дүгээр сарын 11-нээс хойш хугацаанд хот, аймаг руу нь буцаасан бол өнөөдөр хүсэлтээ гаргасан сүүлийн ээлжийн иргэдийг буцаалаа.
|
Нийгэм
