АДМИН
Pfizer, BioNTech компанийн хамтран боловсруулсан коронавирусний эсрэг вакцин 12-15 насны хүүхдүүдийг Ковид-19-өөс 100 хувь хамгуулж буй судалгааны үр дүн гарчээ.
Тус компаниудын мэдэгдэлд вакцин хийлгэсэн хүүхдүүдээс нэг нь ч Ковид-19-өөр өвдөөгүй гэсэн байна. Мөн ойрын хугацаанд уг вакцинаа өсвөр насныханд тарих зөвшөөрөл авах болно гэв.
Хоёр тунгаар хийдэг Pfizer-ийн вакциныг одоогоор дэлхийн 66 улсад 16-аас дээш насныханд тарих зөвшөөрөл олгоод байгаа юм.
Ковид-19-өөр хүүхэд залуучууд хүндээр өвдөх нь харьцангуй бага бөгөөд хүүхдүүдийг дархлаажуулснаар сургуулиудаа нээх боломжтой гэж үзэж байгаа аж. Pfizer-ийн гүйцэтгэх захирал Альберт Борла ирэх хичээлийн жилээс өмнө улс орнууд өсвөр насныхныг вакцинд хамруулах боломжтой болно гэдэгт найдаж буйгаа хэлжээ.
Эх сурвалж: Insider
|
Нийгэм
