АДМИН
Монголын геологийн холбооны Удирдах зөвлөлийн 2022 оны 03 дугаар сарын 28-ны өдрийн ээлжит бус хурлаар холбооны Ерөнхийлөгч, УЗ-ийн гишүүн Я.Бат-Ирээдүйн үүрэгт ажлаасаа чөлөөлөгдөх хүсэлтийг авч хэлэлцэв. УЗ-ийн гишүүдийн дийлэнх олонхийн шийдвэрээр Монголын геологийн холбооны Ерөнхийлөгчийн үүрэгт ажлаас Я.Бат-Ирээдүйг чөлөөлж түүний оронд УЗ-ийн гишүүн, геологич Ч.Гэрэлхүүг Ерөнхийлөгчөөр сонголоо.
МГХ-ны 4 дэх ерөнхийлөгч Я.Бат-Ирээдүй нь 2019 онд холбооны их хурлаар УЗ-ийн гишүүнээр сонгогдож улмаар ерөнхийлөгчөөр томилогдон ажиллаж байсан бөгөөд өнгөрсөн хугацаанд Монголын геологийн холбооны үйл ажиллагаа, нэр хүндийг бэхжүүлэх, салбарын олон холбоодыг нэгтгэх ажлыг удирдан манлайлсан билээ. Я.Бат-Ирээдүй одоогоор МГХНЗ-ийн даргын сонгуульт ажлыг хашиж байгаа бөгөөд МГХ-ны УЗ-ийн гишүүнээр цаашид ажиллах болно.
Харин Монголын геологийн холбооны 5 дахь ерөнхийлөгчөөр сонгогдсон Ч.Гэрэлхүү нь 1992 онд Политехникийн дээд сургууль /ШУТИС/-ийн ГУУФ-ийг геологич мэргэжлээр төгссөнөөс хойш салбартаа 30 жил тасралтгүй ажиллаж байгаа манай салбарын шилдэг мэргэжилтэн юм.
|
Нийгэм
