АДМИН
Эрүүгийн цагдаагийн албанаас Монгол улсын Эрүүгийн хуулийн тусгай ангийн 13.1 дүгээр зүйлд заасан хүн худалдаалах гэмт хэрэгт 2022 оны 1 дүгээр улирлын байдлаар 9 хохирогч 6 холбогдогчтой 3 хэргийг илрүүлж мөн хуулийн 12.3 дугаар зүйлд заасан бэлгийн мөлжлөгийн гэмт хэрэгт 3 хохирогч 1 холбогдогчтой 1 хэргийг илрүүлэн тус тус Эрүүгийн хэрэг үүсгэн яллагдагчаар татаж мөрдөн шалгах ажиллагааг явуулж байна.
Чингэлтэй дүүргийн Эрүүл мэндийн төвийн ХДХВ, ДОХ-ын тандалт судалгааны багтай хамтран Цахим орчинд дуудлагаар биеэ үнэлдэг 47 иргэнийг бэлгийн замын халдварт өвчнөөс урьдчилан сэргийлэх сайн дурын үзлэг шинжилгээнд харуулжээ.
Чингэлтэй дүүргийн эрүүл мэндийн төвийн БЗДХ/ХДХВ, ДОХ-ын кабинетын зохицуулагч Б.Мөнхбаяр: "Охид эмэгтэйчүүдийн дундах бэлгийн замаар дамжих халдварын үзлэг шинжилгээгээр нийт 47 зорилтот бүлгийн эмэгтэйчүүд хамрагдсанаас 70 хувь нь бэлгийн замын халдвартай илэрсэн байна. Нийт өвчлөлийн тохиолдлоос 54.5 хувь нь тэмбүүгийн халдвар, 3 хувь нь трихомониазын халдвар, 30 хувь нь үтрээний үрэвсэл, 12 хувь нь мөөгөнцрийн халдвартай байна" гэлээ.
|
Нийгэм
