Шинэ сэргэлтийн бодлого бол бизнес эрхлэгчид, мэргэжлийн холбоодоо дэмжих бодлого байх ёстой хэмээн БОАЖ-ын сайд Б.Бат-Эрдэнэ мэдэгдэв. 

Тиймээс төр хувийн хэвшлийн түншлэлийн хүрээнд Байгаль орчин, аялал жуулчлалын яам нь зарим зөвшөөрөл, менежмент, сургалтыг Монголын Аялал Жуулчлалын Холбоо -нд шилжүүллээ.

БОАЖЯ өнөөдрөөс дараах эрхүүдийг шилжүүлэн өгч байна. Үүнд 

- Жуулчдад үйлчилгээ үзүүлж байгаа аялал жуулчлалын байгууллагуудад ангилал тогтоох, гэрчилгээ олгох

- Аялал жуулчлалын үйлчилгээний ерөнхий шаардлага, стандартыг олон улсын жишигт нийцүүлэн боловсруулж батлах, эрх бүхий байгууллагат санал хүргүүлэх

- Үндэсний хэмжээнд аялал жуулчлал, зочлох үйлчилгээний салбарын хүний нөөцийг чадавхжуулах, шат дараалсан модуль сургалтыг зохион байгуулах.

- Аялал жуулчлалын гол чиглэл дагуу байгуулагдсан түр отоглох цэгийн менежментийг аймгийн аялал жуулчлалын холбоонд хариуцуулах

- Аялал жуулчлалын гол бүс нутгууд дахь гол нуур, байгалийн үзэсгэлэнт газруудын ойр орчим "Майхантай дотоодын аялагч"-дад зориулсан талбай, төлөвлөлтийг хийх, хариуцлагатай аялал жуулчлалын менежментийг хийх

- 10-аас дээш жил тогтвортой ажилласан баазуудад газрын зөвшөөрлийг удаан хугацаагаар сунгаж өгөх

- "Тэрбум мод" Үндэсний хөдөлгөөний хүрээнд амралт, баазуудын орчимд мод тарих газар, талбайн асуудлыг шийдвэрлэх гэх мэт олон асуудлыг шийдвэрлэхээр ажиллаж байна.