Б.УУГАНБАЯР
Олимпын чуулган болсноос хойш хоёр сарын дотор Гишүүдийн хурлыг зарлан хуралдуулах дүрэмтэй. Үүний дагуу МҮОХ-ны Гишүүдийн хурал болжээ. МҮОХ-ны байранд танхим болон цахим хосолсон хэлбэрээр явагдсан энэхүү хурал чуулганаас сонгогдсон бүрэлдэхүүний анхны гишүүдийн хурал гэдгээрээ онцлог байсан аж.
Хурлаар МҮОХ-ны гишүүнчлэлийн асуудлыг хэлэлцэж, эхний хагас жилийн урьдчилсан тайланг сонсож, 2022 оны төсөв, ажлын төлөвлөгөөг баталсан байна. Мөн МҮОХ-ны дүрмийн зарим зүйл, заалтад нэмэлт, өөрчлөлт орууллаа.
Энэ удаагийн Гишүүдийн хурал “Спорт-ногоон хөгжлийн төлөө хамтдаа” уриан дор явагдсан юм. Хурлын үеэр МҮОХ-ны Ногоон хөгжлийн асуудал хариуцсан комиссоос гишүүдэд хандан ногоон орчин бий бий болгох үйлсэд хамтран зүтгэхийг уриалжээ.
|
Нийгэм
