Б.УУГАНБАЯР
Северодонецк хот нь Луганск мужийн Украины мэдэлд үлдсэн хэсгийн засаг захиргааны төв хот бөгөөд байнгын буудлагад өртөж, удахгүй бүслэгдэж магадгүй байна. Зөвхөн лхагва гарагт орон нутгийн засаг захиргааны мэдээлснээр хамгийн багадаа зургаан энгийн иргэн хохирогч болсон байна.
Одоо Донбассад идэвхтэй байлдааны ажиллагаа өрнөж байна. Украины цэргүүд Попасна, Лиман, Светлодарск зэрэг хэд хэдэн суурингаас ухрах шаардлагатай болсон гэж мэдээлж байна. Нөгөөтээгүүр, Оросын цэргүүдийг Бахмут, Пасикагийн нутгаас албадан гаргасан байна.
Үүний цаана барууны орнууд Украинд хүнд зэвсгийг нийлүүлж байгаа нь энхийн замаар зохицуулах санаачилгатай зөрчилдөж байгаа бөгөөд үүнээс гадна эдгээр зэвсэг гэмт хэргийн байгууллагуудын гарт орж болзошгүй гэж Оросын Гадаад харилцааны яам дахин мэдэгдээд байна.
Эх сурвалж: Euronews
|
Нийгэм
