Б.УУГАНБАЯР
Америкийн эмч нарын коллежийн эрхлэн гаргадаг “Дотор эрхтний эрүүл мэндийн хураангуй” сэтгүүлд нийтэлсэн шинэ судалгаагаар кофе уудаг хүмүүс уудаггүй хүмүүстэй харьцуулахад эрт нас барах тохиолдол бага байдаг гэжээ.
Их Британид өдөр бүр 98 сая, АНУ-д 517 сая аяга кофег кофенд дурлагсад уудаг байна. Уг судалгаагаар чихэртэй, чихэргүй аль ч төрлийн кофе уух нь элэгний архаг үрэвслээс авахуулаад зарим төрлийн хавдар, сэтгэцийн олдмол өвчин тусах эрсдэлийг бууруулдаг гэжээ. Энэ үр дүн уусдаг бэлэн кофе, кофеингүй кофе хэрэглэдэг хүмүүст ч ижил ажиглагдсан байна.
Хятадын хэрэглэгчдэд хийсэн судалгаагаар өдөр бүр кофе уудаг хүмүүс уудаггүй хүмүүсээс долоон жил урт насалдаг болохыг харуулжээ. Судалгааг 2006 оноос эхлүүлэн 500,000 гаруй хүний удамшлын сан, амьдралын хэв маягийн мэдээллийг цуглуулан, кофе хэрхэн хэрэглэдэгтэй нь харьцуулан хийсэн байна.
Судалгааны дүнгээр өдөрт 2,5-4,5 аяга кофе уудаг хүмүүс эрт нас барах эрсдэл бусдаас 29 хувиар бага байжээ. Мөн өдөрт 1,5-3,5 аяга чихэртэй кофе уудаг хүмүүст ч энэ үзэгдэл ажиглагдсан байна.
Эх сурвалж: The Guardian
|
Нийгэм
