Б.УУГАНБАЯР
УИХ-ын гишүүн Ш.Адьшаа “Хянан шалгах түр хороо байгуулах тухай” тогтоолын төслийг өнөөдөр (06.03) өргөн мэдүүлэв.
Энэхүү Хянан шалгах түр хороо нь хилийн боомтуудаар ачаа, тээвэр, нүүрс нэвтрүүлэх болон чөлөөт бүсийн үйл ажиллагаанд учирч буй хүндрэлийг шалган тогтоох, уг асуудлын талаар санал боловсруулах үүрэгтэй гэж тодотголоо.
Монгол Улсын хилээр нэвтрэх ачаа тээврийн зардал, үүнээс үүдсэн өргөн хэрэглээний бараа бүтээгдэхүүний үнийн өсөлтийн шалтгааныг тогтоох, шуурхай арга хэмжээг авах шаардлагыг үндэслэн түр хороо байгуулахыг УИХ-ын 26 гишүүн дэмжиж, гарын үсгээ зурсан байна. Түүнчлэн манай улс 2022 онд 18 сая тонн нүүрс экспортлохоор төлөвлөснөөс эхний 4 сарын байдлаар 3.8 сая тонн нүүрс экспортолжээ. Иймд төлөвлөгөөт экспортыг тасалдуулахгүйгээр, тээвэрлэлтийн хэвийн ажиллагааг хангах, шаардлагатай санал, шийдлийг хүргүүлэхэд анхаарч ажиллана гэв.
|
Нийгэм
