Б.УУГАНБАЯР
Донбассад болсон байлдааны ажиллагааны үр дүнд үнэн алдартны шашны Святогорскийн сүмийн Ариун Гэгээнтнүүдийн Скитийн нутаг дэвсгэрт гал гарч, галын дөл хийдийн гол сүмийг бүхэлд нь хамарчээ. Оросын Батлан хамгаалах яам Украины зэвсэгт хүчнийг сүмийг буудсан гэж буруутгажээ. Украины Ерөнхийлөгч Владимир Зеленский галыг Оросын армийн дайралтаас үүдэлтэй гэж мэдэгдсэн байна. “Одоогоор нас барсан болон шархадсан хүмүүсийн талаар мэдээлэл алга байна" гэж Украины үнэн алдартны сүмийн сайтад нийтлэгдсэн байна.
Оросын зэвсэгт хүчин энэ бүсэд байлдааны ажиллагаа явуулахгүй байгаа бөгөөд түүх, архитектурын дурсгалт газрыг буудаагүй гэж Оросын Батлан хамгаалах яам Telegram сувагтаа нийтэлсэн мэдэгдэлдээ бичжээ. Тус яамны мэдээлснээр, галыг Украины Зэвсэгт хүчний 79-р Агаарын десантын довтолгооны бригад үйлдсэн байна.
Энэхүү барилгыг 16-17-р зууны Оросын модон архитектурын уламжлалаар модоор барьсан. Бүх Гэгээнтнүүдийн гол сүм нь 2009 онд 1947 онд дэлбэрэлтэд өртсөн ижил нэртэй өөр сүмийн суурин дээр баригдсан байна.
Эх сурвалж: Настоящее время
|
Нийгэм
