Б.УУГАНБАЯР
Нийтээр тэмдэглэх баярын болон тэмдэглэлт өдрүүдийн тухай хуульд Үндэсний их баяр наадмаар долдугаар сарын 11-15-нд тав хоног амрахаар заасан байдаг. Хуанлийн хуудсанд тэмдэглэснээр 2022 оны долдугаар сарын 11-н Даваа гарагт таарч байна.
Ингэснээр долдугаар сарын 9-ний Бямба гарагаас эхлэн долдугаар сарын 18-ны Даваа гараг хүртэл баярын амралттайгаа нийлээд нийт 9 хоногийн амралт үргэлжлэх нь. Манай улсад тархаад байсан коронавирусийн халдварын улмаас өнгөрсөн 2020, 2021 онд Үндэсний их баяр наадмаа цахимаар хийсэн юм.
Өнгөрсөн жилийн тухайд Ардын хувьсгалын 100 жилийн тэгш ой тохиосон ч цуцлах бус нэг жилээр хойшлуулах шийдвэрийг Засгийн газраас гаргаж байлаа. Тэгэхээр энэ жил 100, 101 жилийн ойг хамтатган тэмдэглэх болов уу гэсэн таамаг байна. Баяр наадмын төсвийн тухайд цахимаар тэмдэглэсэн жилүүд буюу 2020 онд ₮2.8 тэрбум, 2021 онд ₮2.5 тэрбумыг зарцуулжээ. Энэ жилийн наадмын төсөв батлагдаагүй байна.
|
Нийгэм
