Б.УУГАНБАЯР
Оросын автомашины зах зээл 5-р сард үргэлжлэн уналттай байв. Европын бизнес эрхлэгчдийн холбооны мэдээлснээр, шинэ суудлын автомашины борлуулалт өнгөрсөн оны мөн үетэй харьцуулахад 83.5%-иар буурсан байна.
1-р сараас 5-р сар хүртэлх хугацаанд жилийн дүнгээр 52% буурч, 318,114 автомашин зарагдсан байна.
Үүний зэрэгцээ 5-р сард Оросын зах зээл дэх Хятадын автомашины эзлэх хувь бараг 17% хүрч өссөн. Хятадын компаниуд гуравдугаарт, Avtovaz болон Солонгосын үйлдвэрлэгчид нэг, хоёрдугаар байранд оржээ.
Оросын автомашины диллерүүдийн холбооны дэд ерөнхийлөгч Андрей Петренко "Одоо Хятад машинууд таван жилийн өмнөх шигээ биш болсон, бид үүнийг харж байна, туршиж байна" гэж хэлжээ.
Мэргэжилтнүүдийн үзэж байгаагаар оны эцэс гэхэд ОХУ-д автомашины худалдаа эрхлэгчдийн тоо гуравны нэгээр буурч магадгүй юм, учир нь зарим автомашин үйлдвэрүүд хориг арга хэмжээ, татварын саад тотгор, сэлбэгийн хомсдол зэргээс шалтгаалан үйлдвэрлэлээ зогсоосон.
Эх сурвалж: Euronews
|
Нийгэм
