Н.Түвшинбаярт холбогдох шүүх хурал хоёр дах өдрөө үргэлжлж байна Шүүх хуралдаанд Улсын яллагч, өмгөөлөгч дүгнэлтээ танилцуулж байна. Тодруулбал, Эрүүгийн хэрэг хянан шийдвэрлэх тухай хуулийн 34.24-т зааснаар улсын яллагч, өмгөөлөгч дүгнэлтээ танилцуулна.

Шүүх хуралдааныг Хан-Уул дүүргийн Эрүүгийн хэргийн анхан шатны шүүхийн шүүгч Х.Одбаяр даргалж байна. 

Хохирогчийн өмгөөлөгч: Санаатай гэмт хэрэг мөн гэж дүгнэж байна. Хэдийгээр хэрэг гарснаас хойш 8 сар 22 хоног өнгөрсний дараа амь насаа алдсан хэдий ч аппаратын тусламжтайгаар зүрх л цохилж байсан болохоос талийгаачийн биед 21 шарх үүсэж, тархины 90 хувь үхжиж, хүн ургамал болсон байсан. Тиймээс хэргийг хүндрүүлэх нь зүйтэй гэж үзэж байна. Гэрчүүдийн зүгээс үүссэн нөхцөл байдлыг болиулахаар оролдох үед  “ойртвол ална шүү” хэмээн сүрдүүлж байгаа нь хохирогчийг санаатай алах гэсэн үйлдэл мөн.