Б.УУГАНБАЯР
Н.Түвшинбаярт холбогдох шүүх хурал хоёр дахь өдрөө үргэлжлж байна Шүүх хуралдаанд Улсын яллагч, өмгөөлөгч дүгнэлтээ танилцуулж байна. Тодруулбал, Эрүүгийн хэрэг хянан шийдвэрлэх тухай хуулийн 34.24-т зааснаар улсын яллагч, өмгөөлөгч дүгнэлтээ танилцууллаа. Шүүх хуралдааны хэлэлцүүлэг дуусаж шүүгдэгчийн эцсийн үгийг хуралдааны танхимд сонсож байна.
Н.Түвшинбаяр: "Бага наснаасаа найзлаж нөхөрлөсөн найз минь. Миний амжилт бүхэн найзтай минь холбоотой. Найзынхаа аминд хүрнэ гэж огтоос бодоогүй. Маш ихээр харамсаж байна. Найзынхаа гэр бүл, хамаатан садан, төрөл төрөгсөд, найзын минь дэмждэг ард түмэн, та бүхнээс чин сэтгэлээсээ уучлал хүсэж байна. Цаашдаа найзынхаа гэр бүл, үр хүүхдүүдэд нь насан туршдаа байгаа бүх боломжоороо дэмжиж, тусална гэдэгээ илэрхийлж байна. Гэм буруугаа би ухамсарлаж байгаа. Хуулийн өмнө хариуцлага хүлээхэд бэлэн байна"
|
Нийгэм
