Б.УУГАНБАЯР
Бурхан багшийн “Ариун чандар эрдэнийн ринсрэл”-ийг Энэтхэг улсаас залж байгаатай холбогдуулан Богд хааны ордон музейд хадгалагдаж байсан Бурхан багшийн цахиур залах ёслол хийлээ. Ийнхүү “Ариун чандар эрдэнийн ринсрэл” 1995 оноос хойш хоёр дахь удаагаа Монгол улсад заларч байгаа юм.
Бурхан багшийн их эрдэнийн ринсрэлийг угтан авах үйл ажиллагаа Чингис хаан олон улсын нисэх онгоцны буудалд боллоо.
Угтан авах үйл ажиллагаанд Гандантэгчэнлин хийдийн хамба лам Д.Чойжамц, Соёлын сайд Ч.Номин, БНЭУ-аас Монгол улсад суугаа Онц бүрэн эрхт элчин сайд М.П. Сингх болон бусад төлөөлөгчид оролцсон юм.
Энэхүү ёслолын үйл ажиллагааны дараа Ариун чандар эрдэнийн ринсрэл болон бурхан багшийн цахиур эрдэнийг Гандантэгчэнлин хийдийн Батцагаан цогчин дуганд залах ёслол боллоо.
|
Нийгэм
