Б.УУГАНБАЯР
Өвөрхангай аймгийн Бүрд сумын 2 дугаар багийн “Шар толгойн хөтөл” гэдэг газар /аймгийн төвөөс зүүн зүгт 110 км, сумын төвөөс баруун зүгт 18 км/-т 6 сарын 17-ны өдрийн 17:30 цагийн орчим зам тээврийн осол болж 2 иргэн хүнд гэмтсэн, автомашинаар тээвэрлэх боломжгүй тул нисдэг тэргээр тээвэрлэн эмнэлгийн байгууллагад хүргэх хүсэлтийг ар гэрээс нь 6 сарын 18-ны өдрийн 11:35 цагт Онцгой байдлын ерөнхий газарт тавьжээ. ОБЕГ-ын даргын шийдвэрээр Агаараас эрэн хайх, аврах 111 дүгээр ангийн “ЕС-145” загварын нисдэг тэрэг 6 сарын 18-ны өдрийн 11:47 цагт Улаанбаатар хотоос хөөрч, Өвөрхангай аймгийн Арвайхээр суманд 13:27 цагт газардаж, иргэн А /26 настай, эмэгтэй/, Ж /33 настай, эрэгтэй/ нарыг авч 14:13 цагт хөөрч, Улаанбаатар хотод 15:57 цагт тээвэрлэн Гэмтэл согог судлалын үндэсний төвд авчирчээ.
|
Нийгэм
