Тулгар төрийн 2230, 2231, Их Монгол Улс байгуулагдсаны 815, 816, Үндэсний эрх чөлөө, тусгаар тогтнолоо сэргээн мандуулсны 110, 111, Ардын хувьсгалын 100, 101 жилийн ой, Үндэсний их баяр наадам өргөн дэлгэр үргэлжилж байна. 

Соёлын яамны сайд Ч. Номин: “Монгол улс гэлтгүй дэлхий дахин цар тахлаас болоод томоохон арга хэмжээ зохион байгуулагдсангүй хоёр жил гаруй хугацаа боллоо. Хоёр жилийн дараа Монгол үндэсний бахархал болсон үндэсний их баяр наадам маань өргөн дэлгэр сайхан болж байна. Манай нээлт бол агуулга ихтэй монголын бахархал, дотоод нүүдлээ сэргээсэн агуулгатайгаар хийсэн. Соёлын яам байгуулагдсанаас хойш анхны наадамд бүрэн хэмжээгээрээ оролцож байна. Энэ утгаараа Соёлын яам бүтэн бодлогоор нь өнгө төрхийг тодорхойлж, агуулгыг хариуцаж хийсэн. Түүнээс гадна наадмын цахим хуудсуудыг бий болгож байгаа. Соёл урлагийн арга хэмжээг орон даяар нэг агуулгатай явуулахаар зохион байгуулсан. Монгол бахархал, дотоод нүүдлээ сэргээе гэсэн агуулгын дор найруулагчидтай  хамтран ажилласан” гэв.