Б.УУГАНБАЯР
Тулгар төрийн 2230, 2231, Их Монгол Улсын 815, 816, Үндэсний эрх чөлөө, тусгаар тогтнолоо сэргээн мандуулсны 110, 111, Ардын хувьсгалын 100, 101 жилийн ой Үндэсний их баяр наадам ёслол төгөлдөр сайхан боллоо.
Улсын аварга П.Бүрэнтөгс: “Уудам дэлгэр орны өнцөг булан бүрд суугаа монгол ахан дүүстээ Ардын хувьсгалын 100, 101 жилийн мэндийг хүргэе. Монгол бөх хэмээх агуу түүхт өв соёлын өнгөрсөн ирээдүй цагийн хэлхээс болж яваадаа туйлын их баяртай байна. Олон сайхан шинэ цолтонтой боллоо. Монголчууд үндэсний их баяр наадмаа санасан байна.
Монгол түмнээ хүндэтгэж амжилтаа ахиулахыг зорьж барилдсан. Барилдааны явцад алдаа гаргаж өвдөг шороодлоо. Түрүү бөхтэй битгий таараасай, муу бөхийн шийдсэн мэхэнд битгий унаасай гэж бөхчүүд ярьдаг. Түрүү бөхтэй таарч өвдөг шороодлоо. Аварга, Арслан, заан, начин цолтон төрлөө баяртай байна” гэв.
|
Нийгэм
