АДМИН
Улаанбаатар хот Хан-Уул дүүргийн ... дугаар хороо ... байранд 11 дүгээр давхрын цонхоор эмэгтэй хүн унах гэж байна гэсэн дуудлагыг Цагдаагийн байгууллагаас 7 сарын 11-ний өдрийн 19:20 цагт Нийслэлийн аврах ангийн алба хаагчид хүлээн авчээ. Шуурхай баг 5.5 км замыг туулан 19:29 цагт очиход оршин суугч иргэн А /35 настай, эмэгтэй / гэр бүлийн маргалдааны улмаас цонхоор үсэрч болзошгүй байсан тул тус байрны дээврээс аврах олс ашиглан цонхоор нь орж аюулгүй болгож, тус дүүргийн Цагдаагийн 1 дүгээр хэлтэст хүлээлгэн өгсөн.
Мөн Дархан-Уул аймгийн Дархан сумын 16 дугаар багийн “Үйлдвэрийн район” дутуу баригдсан 6 давхар барилгын дээврээс эмэгтэй хүн унах гэж гэсэн дуудлагыг 7 сарын 11-ны өдрийн 23:23 цагт аймгийн Онцгой байдлын газрын Эрэн хайх, аврах бүлгийн алба хаагчид хүлээн авч 5 км замыг туулан 23:36 цагт очиход Дархан-Уул аймгийн Дархан сумын харьяат иргэн Б /19 настай эмэгтэй/ тус барилгын дээврээс үсэрч болзошгүй байсныг 1 цаг 30 минут ярилцлага хийн эсэн мэнд буулгаж, аймгийн Цагдаагийн газрын эмч, сэтгэл зүйчид хүлээлгэн өгсөн байна.
|
Нийгэм
