АДМИН
Монгол хүн НҮБ-ыг төлөөлж аюулгүй байдал, энх тайвны төлөөх сургалтыг Африкийн Чад Улсад удирдан явуулав.
Нью Йорк хотод байрлах НҮБ-ын төв штабт Монгол Улсын Зэвсэгт хүчнээс 2 хурандаа ажилладаг.
Түүний нэг, хурандаа Н.Нямжаргал нь Бүгд Найрамдах Чад Улсын нийслэл Джамена хотод “Үндэсний ахлах төлөвлөгч нарын дамжаа”-г амжилттай удирдан зохион байгуулжээ.
Дамжаанд Чад Улсын Зэвсэгт хүчний хошуучаас бригадын генерал хүртэл цолтой нийт 31 ахлах болон дээд офицерууд хамрагджээ.
Тус улс нь Малид явагдаж буй НҮБ-ын MINUSMA ажиллагаа (ажиллагааны эрсдэл хамгийн өндөр)-нд хамгийн их цэрэг хандивлагч улсын нэг бөгөөд цэрэг, цагдаагийн алба хаагчид илгээж буй тоогоор жагсаалтад 14 дүгээрт бичигддэг байна.
Монгол цэргүүд өнөөдөр гүйцэтгэх албан тушаалаас НҮБ-д удирдах хүртэл албан тушаал хашиж, үүргээ нэр төртэй гүйцэтгэж байна.
Хурандаа Р.ЭНХБОЛД
|
Нийгэм
