АДМИН
БОАЖСайдын 2022 оны 08 дугаар сарын 31-ны өдрийн 09 дүгээр албан даалгаврын хэрэгжилтийг хангах ажиллаж байна.
Хөвсгөл аймгийн хэмжээнд бүх нийтийн хог цэвэрлэгээний ажил шат шатны Засаг даргын захирамжаар зохион байгуулагдлаа. Аймгийн төв Мөрөн суманд үйл ажиллагаа эрхэлдэг ААНэгж, албан байгууллага, айл өрх, ЕБСургуулийн сурагчид оролцож нийтийн эзэмшлийн талбай, хашаа хороо, Дэлгэрмөрөн гол орчим, үерийн далан зэрэг газруудад цэвэрлэгээ хийлээ.
Дэлгэрмөрөн-Шишхэд голын сав газрын захиргааны хамт олон усны сан бүхий 60 га газарт 10 байгууллагын 75 ажилтан албан хаагчидтай хамтарч 11 машин техник хэрэгсэл ашиглан нийтийн хог цэвэрлэгээнд оролцлоо.
Хог цэвэрлэгээгээр нийт цугларсан хог хаягдал нь 30 орчим тонн. Хог хаягдлыг ангилан үзвэл шил, лааз, ус ундааны хуванцар сав, хувцас хунар, машины дугуй, гялгар уут, үнс нурам зэрэг байлаа. Үүний 70 орчим хувийг дахин ашиглах боломжтой хог хаягдал байна.
|
Нийгэм
