АДМИН
Ховд аймгийн Буянт сумын Цагаан гол багийн “Элсэн шанаа” гэдэг газар /аймгийн төвөөс урд зүгт 45 км-т, сумын төвөөс баруун урд зүгт 40 км-т/ “Хар-Ус” нууранд орж шаварт шигдсэн адуугаа авах гэж нуур руу завьтай орсон 2 хүн салхинд туугдан эргээс холдсон тул нуураас гарч чадахгүй байна гэсэн дуудлагыг 9 сарын 15-ны өдрийн 20:50 цагт аймгийн Онцгой байдлын газрын алба хаагчид хүлээн авчээ. Алба хаагчид 45 км зам туулан 22:20 цагт очиход тус сумын харьяат иргэн Э /44 настай, эрэгтэй/, Б /17 настай, эрэгтэй/ нар нуурын эргээс 800 орчим метр холдсон байжээ. Тухайн иргэдийг 9 сарын 16-ны өдрийн 00:30 цагт эсэн мэнд нуурын эрэг дээр гаргасан бөгөөд шаварт шигдсэн 30 адууг гаргах ажиллагааг зохион байгуулж байна.
|
Нийгэм
