АДМИН
Нийслэлийн удирдлагууд Улаанбаатар хотын авто зам болон замын байгууламжийг нэмэгдүүлэх, явган болон дугуйн замыг шинэчлэн, өргөтгөх чиглэлээр хэд хэдэн ажлыг төлөвлөн, хэрэгжүүлээд байна. Тухайлбал:
- 2022 онд Улаанбаатар хотод нийслэлийн төсвийн хөрөнгөөр нийт 13 байршилд авто зам болон замын байгууламж, гүүр барихаар төлөвлөснөөс 10 байршлын тендер шалгарч, ажлаа эхлүүлээд байна.
- Мөн энэ онд гол болон туслах 13 гудамж, замыг шинэчлэн засварлахаар болсноос 12 байршлынх нь ажил бүрэн дууслаа.
- Харин 13 байршил дахь 16.6 км гудамжинд 80,000 метр квадрат явган хүний болон дугуйн замын ажил хийхээр төлөвлөсөн. Үүнээс найман байршилд 41,000 метр квадрат явган хүний замыг засаж, шинэчлэв.
- Хотын даргын өгсөн үүрэг чиглэлийн дагуу дүүрэг бүр авто зам болон явган хүний замаа засан шинэчилж, шинээр зам тавин, бүтээн байгуулалтыг үргэлжлүүлж байна.
|
Нийгэм
