АДМИН
Монголын бүжгийн спортын холбоо нь МҮОХ-ны дэмжлэгтэйгээр Дэлхийн аварга шалгаруулах Латин формейшн тэмцээний мөнгөн медальт “Moon Dance” хамтлаг, 4-р байрт шалгарсан “Star dance” хамтлаг, Дэлхийн аварга шалгаруулах Стандартын формейшн тэмцээний 8-р байрт шалгарсан “Хатантуул” хамтлагийн баг бүрэлдэхүүнийг Олимпик хауст хүлээн авлаа.
Тус арга хэмжээний үеэр Дэлхийн аварга шалгаруулах Формейшн тэмцээнд Монголын багийн ахлагчаар томилогдсон “Хатантуул” хамтлагийн удирдсан багш Л.Цолмон МБСХ-ны тугийг хүлээлгэн өглөө.
Уулзалтад МҮОХ-ны Дэд ерөнхийлөгч О.Одбаяр, Ерөнхий нарийн бичгийн дарга Э.Бадар-Ууган, Тамирчдын комиссын дарга Д.Отгондалай нар байлцав.
Энэ үеэр “Moon Dance” хамтлагийг МҮОХ-ны “Олимпын алдар” одонгоор, “Star” хамтлагийг Олимпын алтан медалиар, ХААИС-ийн дэргэдэх “Хатан туул” хамтлагийн дасгалжуулагч Л.Цолмонг Олимпын алтан медалиар шагнасныг МҮОХ-ны ерөнхийлөгч Б.Баттүшиг гардуулж, МҮОХ-ны дэд ерөнхийлөгч О.Одбаяр, МҮОХ-ны ЕНБД Э.Бадар-Ууган, МҮОХ-ны тамирчдын комиссын дарга Д.Отгондалай нар нийт баг бүрэлдэхүүнд баяр хүргэлээ.
|
Нийгэм
