АДМИН
Өвөлжилт хүндэрч цас их унаж, малчдын нөхцөл байдал хүндхэн байгаа энэ үед Зэвсэгт хүчний 232 дугаар ангийн “Ахлагчийн зөвлөл”-өөс 02 дугаар сарын 07-ноос 24-ны өдрүүдэд “Малчдадаа тусалъя аян”-ыг санаачилан малчдад туслах, сэтгэлийн дэм, урам хайрлах уриалан дор тус аяныг өрнүүллээ.
Тус аяны хүрээнд ангийн нийт бие бүрэлдэхүүний идэвх санаачилгатай байдлыг хангах үүднээс ангийн удирдлага, хамт олныг 5 багт хуваарилан малчдад нэн шаардлагатай дулаан хувцас, нэмнээ, хурганы уут зэрэг 24 нэр төрлийн 600 гаруй бараа материал болон гар аргаар бэлтгэсэн тэжээл /Зоодой/ зэрэг цугларсныг ангийн “Ахлагчийн зөвлөл”-ийн гишүүд танилцан байр эзлүүлэн шалгаруулж цугларсан бараа материалуудыг удирдамжын дагуу дүгнэн тэргүүн, дэд байруудыг шалгаруулан аяны хүрээнд цугларсан малчдад хүргэх хэрэгцээт бараа материалуудыг “Малын нэгдсэн аж ахуйн хамт олон”-д хүлээлгэн өгч, хуваарилах ажлыг зохион байгуулсан юм.
|
Нийгэм
