АДМИН
Өчигдөр буюу 2023 оны 3 дугаар сарын 08-ны өдөр ГССҮТ-өөс “Гэмтлийн эмнэлэгт бага насны хүүхэд биедээ ил харагдах гэмтэлтэй, ухаангүй байдалтай ирсэн” гэх мэдээлэл ирүүлсний дагуу шалгалтын ажиллагааг явуулж байгаа талаар цагдаагийн байгууллагаас мэдээлсэн.
Урьдчилсан байдлаар хүүгийн хойд эцэг болох "Э" нь харж байх хугацаандаа зодсон байж болзошгүй нөхцөл байдал тогтоогдсон бөгөөд "Э" нь хүүг эмнэлэгт хүргэгдсэний дараа оргон зайлсныг цагдаагийн байгууллагаас шуурхай эрэн сурвалжлах ажиллагааг явуулж илрүүлэн мөрдөн шалгах ажиллагааг үргэлжлүүлж байна.
Уг асуудалтай холбогдуулан хүүгийн биеийн байдал ямар байгаа талаар ГССҮТ-өөс тодруулахад:
Гурван настай хүү тархинд цус харвасан, хүзүү, нуруу, гар хугаралтай хавсарсан хүнд гэмтэлтэй, ухаангүй байдалтай яаралтай түргэн тусламжаар хүргэгдэж ирсэн. Одоогоор ухаан ороогүй, биеийн байдал маш хүнд сэхээн амьдруулах, эрчимт эмчилгээний тасагт эмчлүүлж байна гэв.
|
Нийгэм
