АДМИН
"Монголын цахилгаан холбоо" ХК-аас Ерөнхий боловсролын сургуулийн бага насны хүүхдүүдийг аливаа эрсдэлээс сэргийлэх, аюулгүй байдлыг хангах зорилготой “ИТГЭЛТЭЙ УТАС”-ыг Дархан сумын Ерөнхий боловсролын бүх сургуулиудад байршуулж дууслаа.
Өнгөрсөн онд Ерөнхий боловсролын 4 дүгээр сургуульд байршуулахад утасны тарифын төлбөрийг Монголын цахилгаан холбоо компани хариуцаж байсан бол энэ удаа Дархан сумын засаг даргын тамгын газраас зардлыг бүрэн хариуцахаар болжээ.
Итгэлтэй утас"-аар нэг дуудлагаар 2 минут хүртэлх хугацаатай сард 2000-2500 минутын дуудлага хийгдэх боломжтой бөгөөд сурагчид бүх сүлжээнд гар утасны нэгж, цэнэг дуусах, сүлжээ тасрах гэх асуудалгүйгээр гэр бүлийн гишүүдтэйгээ үнэгүй холбоо барих боломжтой юм.
Улсын хэмжээнд 1-5 дугаар ангийн сурагчдын 60% нь гар утасгүй байна гэсэн судалгаа гарсан байна. Одоогийн байдлаар аймгийн хэмжээнд Ерөнхий боловсролын нийт 12 сургуульд “Итгэлтэй утас”-ыг байршуулсан ба цаашид бусад сумын сургуулиудад ч байршуулахаар төлөвлөж байгаа юм.
|
Нийгэм
