АДМИН
Өчигдөр Энэтхэг улсын Дели хотод Эмэгтэйчүүдийн Дэлхийн аварга шалгаруулах тэмцээн эхэлж манай улсын 4 тамирчин тулалдлаа.
50 кг жинд Б.Мөнгөнсаран тэмцээний салхийг хагалж Турк улсын тамирчин Топуз Рабиаг 5:0 харьцаатай буулган авч итгэл төгс ялалт байгуулав.
Харин 57 кг жинд М.Намуун Колумб улсын тамирчин Арболеда Мендоза Валериатай тулалдаж 5:0 харьцаатай ялагдаж харамсалтайгаар тэмцээнээ өндөрлүүллээ.
52 кг жинд О.Есүгэн Дэлхийн аваргын хүрэл медальт Тайландийн Тинтабтай Преедакамонтойг ялж өмнөх ДАШТ хариугаа авлаа.
Тэрээр өмнөх ДАШТ-нд тус тамирчинтай медалийн төлөө таарч 3:2-н харьцаатай хожигдож байсан бол өчигдөр хариугаа авч 4:1-н харьцаатай яллаа.
54 кг жинд М.Энхжаргал Вьетнамын тамирчин Ти Ким Ан Вогтой тулалдаж гайхалтай эргэн ирэлт хийж 5:0 харьцаатай хожиж ДАШТ эхний ялалтаа авлаа.
Өнөөдөр 60 кг жинд Т.Номин-Эрдэнэ Японы тамирчин Айяка Тагүчитай өрсөлдөх юм.
|
Нийгэм
