АДМИН
Өнгөрсөн оны 12 дугаар сард Төрийн цахим үйлчилгээ харилцаа холбооны яам байгуулагдаж 2023 оны 1 дүгээр сарын 1-ний өдрөөс эхлэн нэг цэгийн үйлчилгээ үзүүлдэг байгууллагад тус яамнаас менежментийн өөрчлөлт хийж операторын горимд шилжүүлсэн байна.
Үүнтэй холбогдуулан 21 аймагт ХУР-ДАН системийн төвийг байгуулахаар болж, анхны сургалтаа Дархан-Уул аймгаас эхлүүллээ. Сургалтад нэг цэгийн үйлчилгээний 18 оператор хамрагдаж байна. Сургалтыг Төрийн цахим үйлчилгээ харилцаа холбооны яам болон E-MONGOLIA, аймгийн ЗДТГ хамтран зохион байгуулж байна.
Дархан-Уул аймгийн Засаг даргын 2021-2024 оны үйл ажиллагааны хөтөлбөрт Төрийн удирдлагын бодлогын хүрээнд цахим технологид суурилсан төрийн үйлчилгээг нэмэгдүүлж, шуурхай хүртээмжтэй хүргэх нөхцөлийг бүрдүүлэхээр тусгасан. Энэхүү зорилтын хүрээнд “Цахим Дархан” төслийг хэрэгжүүлэн ажиллаж байна.
|
Нийгэм
