АДМИН
Нийслэлийн онцгой байдлын газраас шар усны үерээс урьдчилан сэргийлж, хариу арга хэмжээ авч ажиллаж байна.
Баянзүрх дүүрэгт:
Тус дүүргийн 23 дугаар хороо Баатархайрханы 2 дугаар хэсгийн 10 орчим айлын хашаа руу булгийн усны халианы ус хайлж урсан орох нөхцөл үүссэн тул Нийтлэг үйлчилгээний газраас-4, ОНӨААТҮГ-ын Хово автомашин, Онцгой байдлын хэлтсийн Ковш зэрэг техник хэрэгсэл, нийт 8 ажилтан алба хаагч нар шар усны үерийн эрсдэлээс урьдчилан сэргийлж хариу арга хэмжээ авч ажиллалаа.
Сүхбаатар дүүрэгт:
Тус дүүргийн 19-р хороо Гоодойн амны гүүрний баруун хогийн цэгний хажууд халианы ус айл өрхүүдэд орохоос урьдчилан сэргийлэн ажиллаж байна.
Сонгинохайрхан дүүрэгт:
Тус дүүргийн 26 дугаар хороо Мандал Овоо 31 дүгээр гудамжинд далан сэтэрч айлууд руу ус орсон дуудлагаар 2 хово, 1 ковштой шороон далан босгох ажлыг зохион байгуулж байна.
|
)
Нийгэм
